चिकित्सक संघको अध्यक्षमा डा. मंगल रावल र महासचिवमा डा. कालुसिंह खत्री अगाडि
हेल्थपत्र
काठमाडौं, २० वैशाख । नेपाल चिकित्सक संघको मतगणनामा डा. मंगल रावल समूह अगाडि रहेको छ ।
वागबजारस्थित संघको केन्द्रीय कार्यालयमा भइरहेको मतगणनामा डा. रावलको समूह अगाडि रहेको हो । अहिलेसम्म एक हजार भन्दा बढी मतगणना हुँदा डा. रावलले ४६५ मत प्राप्त गरेका छन् । उनलाई अध्यक्षका पदका अर्का उम्मेदवार डा. बद्री रिजालले पछाइरहेका छन् ।
डा. रिजालले ४०९ मत र डा. नारायण प्रसाद भुसालले १२१ मत पाएका छन् ।
महासचिव पदमा डा. कालु सिंह खत्री ३६५ मतसहित अगाडि छन् भने डा. बिश्वराज दवाडी ३३५ मत प्राप्त गरेका छन् ।
उपत्यका बाहिर वैशाख ४ र ५ गते तथा उपत्यकामा वैशाख १८ र १९ गते सम्पन्न भएको निर्वाचनमा कुल १६ हजार एक सय मतमध्ये सात हजार १०२ मत खसेको थियो । निर्वाचने परिमाण आज आउने बताइएको छ ।
सम्बन्धित खबर
सम्बन्धित समाचार
सबैभन्दा धेरै हेरिएको समाचारहरु
फेसबुक