औषधि व्यवसायीले गरे आज फार्मेसी बन्द
हेल्थपत्र
काठमाडौँ, १३ मंसिर । औषधि व्यवसायीहरूले आज आइतबार विहान ११ देखि १२ बजेसम्म देशभरका औषधि पसल (फार्मेसी) बन्द गरेर विरोध प्रदर्शन गरेका छन् । उनीहरुले औषधि ऐन परिमार्जनको माग गर्दै पूर्व निर्धारित आन्दोलनका कार्यक्रम अन्तर्गत् आज औषधि पसल बन्द गरेका हुन् ।
आज विहान ११ बजेदेखि १२ बजेसम्म औषधि पसलहरु बन्द रहेको संघर्ष समितिका संयोजक श्रीधर खनालले हेल्थपत्रलाई जानकारी दिए ।
समितिले सम्भावित ‘व्यवसायिक समस्याको निराकरणका लागि अब वार कि पार’ को अवस्था आएको भन्दै सामूहिक उपस्थितिलाई नै व्यवसाय जोगाउने निर्णायक कदम बताएका छन्। “व्यवसाय नै न रहे व्यवसायी कहाँ रहौँला,” भन्दै सबैलाई एक घण्टाका लागि पसल बन्द गरी उपस्थित हुन अनुरोध गरिएको छ ।
उनीहरूले आजको एक घण्टाको ‘लगानी’ले भविष्यमा औषधि व्यवसायको सुनिश्चितता कायम हुने विश्वास व्यक्त गर्दै ऐक्यबद्धता जनाउन सम्पूर्ण व्यवसायीलाई आह्वान गरेका थिए ।
सम्बन्धित खबर
सम्बन्धित समाचार
सबैभन्दा धेरै हेरिएको समाचारहरु
फेसबुक