औषधि व्यवसायी भोलि आइतबार एक घण्टा फार्मेसी बन्द गर्दै विरोध प्रदर्शनमा उत्रने
हेल्थपत्र
काठमाडौँ, १३ मंसिर । औषधि व्यवसायीहरूले भोलि विहान ११ देखि १२ बजेसम्म देशभरका औषधि पसल (फार्मेसी) बन्द गरेर विरोध प्रदर्शन गर्ने घोषणा गरेका छन् । संघर्ष समितिले जारी गरेको सूचना अनुसार व्यवसायीहरू औषधी व्यवस्था विभागको प्राङ्गणमा उपस्थिति जनाउँदै विरोध गर्नेछन् ।
समितिले सम्भावित ‘व्यवसायिक समस्याको निराकरणका लागि अब वार कि पार’ को अवस्था आएको भन्दै सामूहिक उपस्थितिलाई नै व्यवसाय जोगाउने निर्णायक कदम बताएका छन्। “व्यवसाय नै न रहे व्यवसायी कहाँ रहौँला,” भन्दै सबैलाई एक घण्टाका लागि पसल बन्द गरी उपस्थित हुन अनुरोध गरिएको छ ।
समितिले औषधि आयात, थोक तथा खुद्रा सबै खालका औषधि व्यवसाय भोलि सो समयमा पूर्ण रूपमा बन्द हुने जानकारी दिएको छ । उनीहरूले भोलिको एक घण्टाको ‘लगानी’ले भविष्यमा औषधि व्यवसायको सुनिश्चितता कायम हुने विश्वास व्यक्त गर्दै ऐक्यबद्धता जनाउन सम्पूर्ण व्यवसायीलाई आह्वान गरेका छन् ।
सम्बन्धित खबर
सम्बन्धित समाचार
सबैभन्दा धेरै हेरिएको समाचारहरु
फेसबुक