स्वास्थ्य बीमा बोर्डको कार्यकारी निर्देशकमा १३ जनाको आवेदन
हेल्थपत्र
काठमाडौं ,९ साउन । स्वास्थ्य बीमा बोर्डको कार्यकारी निर्देशक पदमा नियुक्तिका लागि परेका आवेदनमध्ये १३ जनाको आवेदन स्वीकृत भएको छ।
कार्यकारी निर्देशक पदपूर्ति सिफारिस समितिले शुक्रबार सूचना प्रकाशित गर्दै २०८३ असार ३ गते प्रकाशित सूचनाअनुसार तोकिएको अवधिभित्र प्राप्त आवेदनहरूको छानबिन गर्दा निर्देशिकामा उल्लेखित योग्यता तथा मापदण्ड पूरा गरेका १३ जनाको आवेदन स्वीकृत भएको जनाएको हो।
समितिले स्वीकृत भएका उम्मेदवारहरूमा डा. राजेन्द्रकुमार पोखरेल, सुभाष कोइराला, बुद्ध काजी श्रेष्ठ, गंगा प्रसाद जोशी, डा. प्रमोदकुमार यादव, डा. मुक्तिनाथ खनाल, डा. हुमनाथ गैरे, राजन श्रेष्ठ, तुलसीप्रसाद सुवेदी, विमला भट्ट, पारस अधिकारी, रोशनकुमार महतो र उत्तमकुमार कोइराला रहेको जनाएको छ।
बोर्डका कार्यकारी निर्देशक विगत चार महिनादेखि खाली रहेका छ् । डा. रघुराज काफ्ले राजीनामा दिएपछि बोर्ड निमित्तको भरमा चलेको छ । अहिले मन्त्रालयले शकुन्तला प्रजापतिलाई निमित्त कार्यकारी निर्देशक बनाएर पठाएको छ । यसअघि पनि डा. कृष्ण पौडेल निमित्त कार्यकारी निर्देशक रहेर काम गरेका थिए ।
सम्बन्धित खबर
सम्बन्धित समाचार
सबैभन्दा धेरै हेरिएको समाचारहरु
फेसबुक