औषधि व्यवस्था विभागले क्यान्सर औषधि विरामीलाई सहज उपलब्ध गराउने

हेल्थपत्र

२०८३ जेठ २९ शुक्रबार

काठमाडौँ, २८ जेठ : स्वास्थ्य तथा खाद्य स्वच्छता मन्त्रालयले क्यान्सर रोगको उपचारका लागि प्रयोग हुने औषधिको सहज उपलब्धता गराउन सहजिकरण गरेको छ ।
औषधि व्यवस्था विभागले क्यान्सरको उपचारका लागि हुने ‘कार्बोप्लाटिन’ औषधिको विरामीलाई सहज उपलब्धता गराउन सजिकरण गरेको छ ।
विभागमा सूचना अधिकारी किरण सुन्दर बज्राचार्यले क्यान्सर अस्पतालमा ‘कार्बोप्लाटिन’ औषधिको सहज उपलब्धताका लागि सहजिकरण गर्न सम्पर्क व्यक्ति तोकिएको जानकारी दिए । उनले विश्वव्यापी आपूर्तिमा देखिएको अवरोधका कारणले क्यान्सर उपचारमा प्रयोग हुने औषधि अभाव देखिएपछि सहजिकरण गरिएको बताए ।
उनका अनुसार जानकी अस्पताल नेपालगञ्ंज, पूर्वाञ्चल क्यान्सर अस्पताल विर्तामोड, विराट मेडिकल कलेज विराटनगर, वविना फर्मा पोखरा, पुनम फार्मेसी धरान, राजदूत प्रालि भरतपुर, मल्ल फर्मास्युटिकल्स पोखरा, ताज नेपाल प्रालि काठमाडौँ, डिकेएम फर्मास्युटिकल्स प्रालि काठमाडौँ, सिजल फर्मा र अनमोल हेल्थ केयर काठमाडौँलाई औषधि सहजताका लागि सम्पर्क तोकिएको छ ।
“बजारमा अहिले ‘कार्बोप्लाटिन’ औषधि नियमित उपलब्धता सुनिश्चिता गर्न र आवश्यक समन्वय गर्न सम्पर्क संस्था ताकिएको छ,”उनले भने, “जसले गर्दा विरामीलाई औषधि उपलब्धता सहज हुन्छ ।”
भक्तपुर क्यान्सर अस्पताल, चितवनस्थित वीपी कोइराला मेमोरियल क्यान्सर अस्पताल, वीर अस्पताल, त्रिवि शिक्षण अस्पताल, पाटन स्वास्थ्य विज्ञान प्रतिष्ठान लगायतमा क्यान्सर रोगको किमोथेरापीमा उपचारमा प्रयोग हुने औषधिको अभाव देखिएको हो ।
नेपाल औषधि आपूर्तिकर्ता सङ्घका अध्यक्ष पवन आचार्यले विभागसंगको समन्वयमा अभाव भएको क्यान्सरको औषधि विरामीलाई उपलब्ध गराइने बताए ।
“अन्तर्राष्ट्रय रुपमा ति औषधिको मूल्य बढेकोले नेपालमा पहिल्यै कै मूल्यमा औषधि विक्री गर्न नसकिएकोले अहिले निर्यातमा समस्या देखिएको हो,” उनले भने, “तर विरामी उपचारमा ध्यान दिएर हामीले सहज उपलब्ध गराउन अस्पताल र फार्मेसी तोकेका छौ ।”
उनले औषधिमो मूल्य समायोजन हुनसाथ औषधि नेपालमा आयात गर्ने बताए र्।