नेपालमा हरेक दिन औषतमा १.७ जना व्यक्तिमा एचआईभी सङ्क्रमण

हेल्थपत्र

२०८२ मंसिर १५ आइतबार

काठमाडौँ, १४ मङ्सिर : नेपालमा हरेक दिन १.७ व्यक्तिमा एड्स तथा एचआइभी सङ्क्रमण देखिने गरेको छ ।
राष्ट्रिय एड्स तथा यौन रोग नियन्त्रण केन्द्रले आज एड्स दिवसको अवसरमा आयोजित पत्रकार अन्तरक्रिया कार्यक्रममा केन्द्रका निर्देशक डा. सर्वेश शर्माले नेपालमा हरेक दिन १.७ व्यक्तिमा एड्स तथा एचआइभी सङ्क्रमण देखिने गरेको बताए ।
उनका अनुसार सन् २०२४ मा ६१४ जना नयाँ सङ्क्रमित देखिएको छ । यो संख्या सन् २००० को तुलनामा ८९ प्रतिशतले सङ्क्रमण घटेको छ । सन् २००० मा पाँच हजारमा नयाँ संक्रमण देखिएको थियो ।
नेपालमा सन् २०२४ मा ३४ हजार ३३७ जना संक्रमण भएको अनुमान गरिएको उहाँले बताउनुभयो । नेपालमा हरेक दिन औषत्मा १.७ जना व्यक्तिलाई संक्रमण हुने गरेको उहाँको भनाई रहेको छ ।
नेपालमा २०२४ मा एड्सको कारणले ५६९ जनामा मृत्यु भएको छ । निर्देशक डा. शर्माले २०२४ मा २६ हजार ३७२ जना संक्रमितले एन्टिरेट्रोभाइरल उपचार लिइरहेका छन् । त्यो संख्या कुल एचआइभी संक्रमितमध्ये ७७ प्रतिशत हुन् ।
नेपाल सहित विश्वभर नै ‘अवरोधहरु पार गरौँ, एड्स प्रतिकार्य रुपान्तरण गरौँ,’ भन्ने मुल नाराका साथ दिवस मनाइदै छ । पहिलो १९८१ मा एचआईभी संक्रमित फेला परेका थियो । सन् २०२४ को अन्तसम्म नौ करोड १४ लाख व्यक्तिहरु एचआइभीबाट संक्रमित भइसकेका छन् । चार करोड ४१ लाख एचआइभीका कारण मृत्यु भइसकेको छ ।
निर्देशक डा. शर्माले समुदायस्तरमा नै सङ्क्रमितहरु बढी अपेहेलित पर्ने भएकोले समुदायलाई एड्स अन्त्य गर्ने अभियान थाल्नुपर्ने बताए ।