जापानिज इन्सेफलाइटिस् : १७५ जनामा सङ्क्रमण र ३४ मृत्यु

हेल्थपत्र

२०८२ मंसिर १५ आइतबार

काठमाडौँ, ५ मङ्सिर : जापानिज इन्सेफलाइटिस् सङ्क्रमणबाट यसबर्ष ३४ जनाको मृत्यु भइसकेको छ ।
परिवार कल्याण महाशाखा, खोप शाखा प्रमुख डा. अभियान गौतमका अनुसार अहिलेसम्म ४५ जिल्लामा जापानिज इन्सेफलाइटिस् सङ्क्रमण फैलिएर १७५ विरामी र ३४ जनाको मृत्यु भएको छ । उहाँले मृत्यु भएकामध्ये धेरै जसो खोप लगाएकामा विस्तारै खोपले काम गर्न छाडे र जापानिज इन्सेफलाइटिस्विरुद्धका खोप नलगाएका रहेको जानकारी दिए ।
उनका अनुसार कोशी प्रदेशमा चार जना, मधेश प्रदेशमा तीन जना, वागमती प्रदेशमा आठ जना, गण्डकी पाँच जना, लुम्बिनी प्रदेशमा ११ जना, कर्णाली प्रदेशमा एक जना र सुदूरपश्चिम प्रदेशमा दुई जना गरि ३४ जनाको मृत्यु भएको छ ।
यसबर्ष तीन बर्षदेखि ८९ बर्षसम्मका मानिसलाई जापानिज इन्सेफलाइटिस् देखिएको थियो । जापानिज इन्सेफलाइटिस्बाट २८ जिल्ला उच्च जोखिमका रहेको छ ।
गतबर्ष जापानिज इन्सेफलाइटिस् सङ्क्रमण ८६ जना र २५ जनाको मृत्यु भएको थियो ।
अव घट्दै जाने
खोप शाखा प्रमुख डा. गौतमले अव जापानिज इन्सेफलाइटिस् सङ्क्रमण कम हुने बताए ।
यो रोग विशेषगरी साउनदेखि कार्तिकसम्म बढी देखिन्छ । नेपालमा ८२ प्रतिशत बालबालिकालाई जापानिज इन्सेफलाइटिस् विरुद्धको खोप लगाइएको छ ।
“चिसो बढ्ेसंगै जापानिज इन्सेफलाइटिस् सार्ने लामखुट्टे पनि हराउनेभ भएकोले सङ्क्रमण अव ह्वातै घट्ने छ,” उनले भने, “सङ्क्रमण सार्ने लामुखट्टैको वासस्थान पनि नहुने भएकोले अव सङ्क्रमण हुने डर छैन । ”
जापानिज इन्सेफलाइटिस् ‘क्युलेक्स’ प्रजातिको लामखुट्टेको टोकाईबाट सर्ने एक प्रकारको गम्भीर रोग हो । यो लामुखट्टै साँझपख तथा झिसमिसे विहानीको समयमा बढी सक्रिय हुने गर्दछ । धानवाली, दलदल र पानी जम्ने स्थानहरु लामखुट्टैको लागि प्रजनन स्थल बन्ने हुनाले यस्ता क्षेत्रमा संङ्क्रमणको जोखिम बढी हुन्छ ।
नेपालमा सन् १९७८ मा पहिलो पटक रुपेन्देही जिल्लामा जापानिज इन्सेफलाइटिस् रोग देखिएको हो ।