स्वास्थ्य मन्त्री डा. गौतमद्वारा महिला स्वास्थ्य स्वयसेविकालाई ‘जनस्वास्थ्य च्याम्पियन अवार्ड’ प्रदान
हेल्थपत्र
काठमाडौँ, ४ मङ्सिर ः स्वास्थ्य तथा जनसङ्ख्या मन्त्री डा. सुधा गौतमले ‘जनस्वास्थ्य च्याम्पियन अवार्ड’ महिला सामुदायिक स्वास्थ्य स्वयंसेवीकालाई सयुक्त रुपमा प्रदान गरेकी छन् ।
मन्त्री डा. गौतमले बुधबार वेलुका आयोजित कार्यक्रममा विश्व स्वास्थ्य सङ्गठन (डब्लुएचओ) दक्षिण–पूर्वी एसिया क्षेत्रको ‘जनस्वास्थ्य च्याम्पियन अवार्ड’ स्वयसेविकालाई प्रदान गरिन् ।
महिला सामुदायिक स्वास्थ्य स्वयंसेवीका कार्यक्रमले नेपालको स्वास्थ्य क्षेत्रमा पुर्याएको योगदानका लागि डब्लुएचओ दक्षिण–पूर्वी एसिया क्षेत्रको जनस्वास्थ्य च्याम्पियन अवार्ड महिला स्वास्थ्य स्वयसेविकालाई प्रदान गरेको हो ।
मन्त्री डा. गौतमले देशभरका सवै महिला सामुदायिक स्वास्थ्य स्वयंसेविकालाई बधाई व्यक्त गरिन् ।
मन्त्री डा. गौतमले नेपालका महिला सामुदायिक स्वास्थ्य स्वयंसेविकाले स्वास्थ्य सेवा पहुँच र जनस्वास्थ्य सुधारमा योगदान गरेको बताइन् ।
यस्तै रूबेला निवारणको लागि दक्षिण–पूर्वी एसिया क्षेत्रको ‘जनस्वास्थ्य च्याम्पियन अवार्ड’ पनि सोही कार्यक्रममा डब्लुएचओको दक्षिण–पूर्वी एसिया क्षेत्रीय कार्यालयका कार्यकारी प्रमुख डा. क्याथरिना बोहेमले स्वास्थ्य मन्त्री डा गौतमलाई प्रदान गरिन् ।
महिला सामुदायिक स्वास्थ्य स्वयंसेवीकालाई प्रदान गरिएको अवार्ड गत असोज अन्तिम साता श्रीलङ्कको कोलम्बोमा भएको डब्लुएचओको दक्षिण–पूर्वी एसिया क्षेत्रीय समितिको ७८औँ बैठकमा डब्लूएचओका महानिर्देशक डा. टेड्रोस अधानोम घेब्रेयसस र डब्लूएचओको दक्षिण–पूर्वी एसियाका कार्यवाहक प्रमुख डा. क्याथरिना बोहमले श्रीलङ्काका लागि नेपाली राजदूत डा. पूर्णबहादुर नेपालीलाई अवार्ड प्रदान गरेका हुन ।
नेपालको स्वास्थ्य क्षेत्रमा पु¥याएको योगदानका लागि डब्लूचओको दक्षिण–पूर्वी एसिया क्षेत्रले उक्त जनस्वास्थ्य च्याम्पियन अवार्ड नेपालका महिला स्वास्थ्य स्वयंसेविकालाई प्रदान गरिएको जनाइएको छ ।
सम्बन्धित खबर
सम्बन्धित समाचार
सबैभन्दा धेरै हेरिएको समाचारहरु
फेसबुक