डेन्टल समूहको विज्ञापन रद्ध, दरबन्दी नसच्याईए आन्दोलन गर्ने नेपाल डेन्टल साईन्स हाईजेनिष्ट एसोसिएसनको चेतावनी
हेल्थपत्र
काठमाडौंः नेपाल डेन्टल साइन्स हाइजेनिष्ट एसोसिएसनले वागमती प्रदेशले डेन्टल समूह तर्फको दरबन्दीे विज्ञापन रद्ध गर्न गरेको पत्राचारप्रति आपत्ती जनाएको छ । बागमती प्रदेश अन्तर्गत स्वास्थ्य मन्त्रालयले कानुन विपरीत डेन्टल समूहको मात्र विज्ञापन रद्द गर्न गरेको पत्राचारप्रति एसोसिएसनले ध्यानाकर्षण भएको जनाएको हो ।
संघका अध्यक्ष माइकल देवकोटाले बिना कारण स्वार्थि समुहको प्रभाबमा परि ऐन कानुनको बेवास्था गर्दै डेन्टल समुहको मात्र बिज्ञापन रद्द गर्न गरेको पत्रचार प्रति ध्यानाकर्षण भएको बताए ।
एसोसियसनले जारि गरेको बिज्ञप्तीमा भनिएको छ, ‘नेपालका सुगम र दुर्गम स्थानहरुमा हाल पनि धेरै मानिसहरु दाँत र मुख सम्बन्धि रोगहरुको उपचार नपाएर बस्नुपरेको र राज्यले यस एसोसिएसनको निरन्तर प्रयासले केहि संघ र प्रदेश तथा स्थानिय तहहरुको ५÷१०÷१५ बेडका अस्पतालहरुमा सिडिएस डेन्टल हाईजेनिस्टहरुको दरबन्दि माग गरिरहेको अबस्थामा हाल आएर प्रदेश लोकसेबा आयोग बागमति प्रदेशले मिति २०८० माघ ८ गतेको सुचना नं १८४-०८०-०८१ बमोजिम प्रदेश निजामति सेबा तर्फको स्वास्थ्य सेबा डेन्ट्रिस्ट्री समुह पाँचौ तह, डेन्टल हाईजिनिस्ट पदको बि.नं १८३–१८५-०८०-०८१ (खुल्ला, महिला ) को कुल ९ जना मागिएकोमा स्वास्थ्य मन्त्रालय बाग्मति प्रदेशले २०८० माघ ९ मा बिना कारण स्वार्थि समुहको प्रभाबमा परि ऐन कानुनको बेवास्था गरि डेन्टल समुहको मात्र बिज्ञापन रद्द गर्न गरेको पत्रचार प्रति नेपाल डेन्टल साईन्स हाइजेनिस्ट एसोसिएसन को गम्भिर ध्यानआकर्षण भएको छ । ’
बिना कारण सिंगो पेशालाई नै चुनौति दिने र आम जनताको मुख स्वास्थ्यको मौलिक हक, अधिकारको हनन र देशमा नै बसेर देशको सेवा गर्ने दक्ष जनशक्ति लाई हतोत्साहित गर्ने कार्यले सम्पुर्ण दन्त स्वास्थ्यकर्मिहरुको मनमा चोट लागेको विज्ञप्तीमा भनिएको छ ।
अबको तिन दिन भित्र रद्ध गरिएको दरबन्दिलाई नसच्याइए बाग्मति प्रदेश स्वास्थ्य मन्त्रालय र बाग्मति प्रदेश लोकसेबा आयोगमा संघर्षका कार्यक्रम तय गर्ने एशोसियनले चेतावनी दिएको छ ।
सम्बन्धित खबर
सम्बन्धित समाचार
सबैभन्दा धेरै हेरिएको समाचारहरु
फेसबुक